Көпчүлүк өкмөттүн демилгесине кыжырданып, муфтий Максат ажыны колдоодо
Коронавирусту алдын алуу үчүн Кыргыз өлкөсүндө намазга массалык түрдө топтолуу чектелет. Бул тууралуу бүгүн, 28-февралда коронавируска байланыштуу жыйында саламаттыкты сактоо министри Космосбек Чолпонбаев билдирди.
Анын айтымында, бул темада алар Кыргыз өлкөсүнүн мусулмандар дин башкармалыгына жолугуп, сүйлөшүү өткөрүшөт. "Вирусту алдын алуу үчүн элдин көп топтолгон жерин чектешибиз керек. Намазды адамдар топтолбой эле өз алдынча үйдө окуп турса болот", - деди Чолпонбаев.
Бирок, бул кабарга ашкере динчилдер ынабай, бийликтин намазды чектөөсүнө нааразы боло башташты. Мындай жамааттар өтө көп экен... Ал эми муфтий Максат ажы Токтомушев жума намазды токтото албай турганын, окулушу керек экенин так кесе билдирди. Алланын буйругун эскертип, министрликтин суранычын четке какты. Албетте, көпчүлүк катмар муфтийди колдоп жатышат, ошол арада “түкүрүк өкмөткө” кыжырлары келүүдө...
Aryba.kg
