Кытайда жапайы жаныбарларды жегенге тыюу салынды

25-февраль, 17:07

614 ᠌ ᠌ ᠌ ᠌᠌ ᠌ ᠌᠌

Бүткүл кытай элдик туруктуу комитети жапайы жаныбарларды мыйзамсыз сатууга жана COVID-2019 жугуштуу коронавирус жайылып жаткан кезде алардын этин жегенге тыюу салды. Бул туурасында Кытайдын борбордук телеканалы билдирди.

24-февралда аталган комитет токтомду бир добуштан кабыл алды. Белгиленгендей, токтом жарыяланган күндөн тарта күчүнө кирет. Буга чейин кытайлык окумуштуулар коронавирустун келип чыгуу булагы бул – Ухандагы деңиз азыктары сатылган базардагы жапайы жаныбарлар болгонун аныкташкан. Цзянси провинциясынын полициясы эпидемия тараган күндөн тарта жапайы жаратылышка каршы ондогон кылмыштын бетин ачып, 39 жаранды кармаган. Кармалгандар 819 жапайы жаныбарды жана 100,6 кг мыйзамсыз азыктарды сатууга шектелген.

Aryba.kg