Акыркы кабарлар
» Коом » Коронавирустан дагы 14 адам көз жумду
Коронавирустан дагы 14 адам көз жумду
27-июль, 12:37
Коронавируска каршы республикалык ыкчам штабдын 27-июлдагы маалыматына караганда, кечээтен бери Кыргызстанда бул инфекциядан 14 адам каза болду. Жалпысынан өлкөдө коронавирустан каза болгондордун расмий саны 2275 адамга жетти.
Соңку бир күн ичинде вирус дагы 969 адамдан табылды. Алардын эң көбү Бишкек шаарында (611) жана Жалал-Абад облусунда (88).
Өлкөдө бул оору жуккандардын расмий катталган саны 159 миң 89га жетти. Бир күндө 1616 адам айыгып чыкты. Азыр ооруканада 3935 адам жатат, дагы 13 миң 272 бейтап үйдөн дарыланууда.
