Атамбаевдин уулу Сейитбек Атамбаев Башкы прокуратура менен соттошот

14-ноябрь, 12:34

298 ᠌ ᠌ ᠌ ᠌᠌ ᠌ ᠌᠌

Мурунку президент Алмазбек Атамбаевдин уулу Сейитбек Атамбаев Башкы прокуратураны сотко берди. 

Бул туурасында КСДП партиясынын мүчөсү Темирлан Султанбеков «Фейсбук» баракчасына доо-арызга Башкы прокуратуранын пресс-релизи себеп болду деп жазды.

Башкы прокуратура мурунку президентке карата козголгон кылмыш иштеринин алкагында Алмазбек Атамбаевдин жана анын жакындарынын мүлкүн, активдерин жана мекемелерин текшерилет деп билдирген. 

Прокуратуранын маалыматына ылайык, 2015-жылдан бери «Автомаш-Энерго» ЖЧКда бир дагы жолу салыктык текшерүү жүргүзүлгөн эмес. Мындан тышкары фирманын жетекчилиги салык органдарына керектүү документтерди көргөзүүдөн баш тартып келет.