Акыркы кабарлар
» Коом » Акыркы бир суткада Кыргызстанда коронавирус 1081 кишиден жаңы аныкталды
Акыркы бир суткада Кыргызстанда коронавирус 1081 кишиден жаңы аныкталды
28-июнь, 11:56
1 589 ᠌ ᠌ ᠌ ᠌᠌ ᠌ ᠌᠌Бул былтыркы жылдын июль айынан берки эң жогорку көрсөткүч болууда. Вирус жугузуп алгандардын эң көбү Бишкекте (640).
Саламаттык сактоо жана социалдык өнүктүрүү министрлигинин 28-июндагы маалыматына ылайык, COVID-19 инфекциясынан дагы беш бейтап каза болду. Муну менен илдеттин курмандыктары 1982 кишиге жетти. Мурда ооруп жаткандардын ичинен 488 киши сакайып чыкты.
Коронавирус пандемиясы башталган бир жыл аралыгында Кыргызстанда 121 миң 946 киши вирус жугузуп алды. Анын 108 миң 953ү сакайды. Учурда 3123 киши стационарларда дарыланып жатышат. Алардын ичинен 128 бейтаптын абалы өтө оор экени кабарланды.