Казанда мектептеги кол салуудан каза тапкандар жерге берилүүдө

12-май, 18:25

598 ᠌ ᠌ ᠌ ᠌᠌ ᠌ ᠌᠌

Татарстандын Казань шаарында 11-майдагы кол салууда набыт болгон окуучулар жерге берилүүдө. Бүгүн, 12-майда республиканын аймагында аза күтүү күнү жарыяланган.

Таң эртеден Казандагы башкы өлүкканада маркумдардын сөөгүн алып кетүү үчүн бир нече автоунаа тизилип турду. Кол салуудан гимназиянын жети окуучусу жана эки мугалим көз жумган. Мектепте набыт болгондордун көпчүлүгү мусулмандар болгондуктан, көпчүлүгү бүгүн жерге берилип жатат. Жыйырмадан ашык адам учурда ооруканада.