Советбек Рустамбек уулу, ЖК депутаты: “Депутаттардын арасында шарты жоктор толтура”
-- Советбек мырза, депутаттарды кызматтык унаа менен камсыздоо боюнча маселеге кандай карайсыз?
-- Мен туура эле көз караштамын. Илгертен эле берилип келген. Анан популизм менен мурдагы чакырылыштагы депутаттар (кимдер экенин билбейм) жок кылып салышкан экен. Депутаттардын арасында шарты жоктор толтура да. Айыл өкмөттөргө деле берип атпайбы. Депутатты да эл шайлаган. Кызматтык унаа болсо, эртең менен жумушка убагында келет. Тыгынды өзүңүздөр көрүп атасыздар. Бул эл өкүлдөрү үчүн түзүлгөн бир шарт да. Алып эле сатып ийип аткан жери жок, машина турат, үйүнө алып кеткен жок да, эртең андан кийинки келген депутаттар минет.
-- Кээ бир кесиптештериңиз унаадан баш тартышарын билдиришти. Сиз өзүңүз баш тартасызбы?
-- Бул ар кимдин өз ыктыяры. Мен эмне үчүн баш тартам, мамлекет берип атса?
-- Өзүнүн жеке унаасы барлар албай койсо болот да?
-- Мүмкүнчүлүгү болсо деле мамлекет берип аткандан кийин алыш керек. Айттым го, мурункулардын популизминен чыккан да. “Мүмкүнчүлүгү бар” деп ушул ишке барышкан...
Аттокур Жумаев
"Азия Ньюс" гезити
