Акыркы кабарлар
22:58
» Коом » Бишкекте 69 окуучу коронавирус илдети менен жабыркап жатышат
Бишкекте 69 окуучу коронавирус илдети менен жабыркап жатышат
27-апрель, 12:02
Азыркы учурда 69 окуучу, 24 мугалим коронавирус илдети менен жабыркап жатышат. Бул тууралуу Бишкек шаардык мэриясынын билим берүү бөлүмүнүн башчысы Элмира Иманалиева брифинг берип жатып билдирди. Анын айтымында, учурда 14 мектеп карантинге жабылгандыктан, окуу процесси онлайн улантылууда.
“Кечээ төрт мектептен карантин чаралары алынып, кайрадан окуу улантыла баштады. Эпидемиологиялык абалды эске алуу менен 29-апрелде карантинге жабылган мектептердин бирин, ал эми 4-майда 8 мектепти ачууну пландап жатабыз. Эки мектепке чейинки билим берүү мекемеси карантинге жабылган” деди Элмира Иманалиева.
Ошондой эле шаардык мэрия жарандарды илдеттен сактануу үчүн бардык санитардык нормаларды так сактоого чакырды.
