Эмир Сарпашов, ишкер: “Россиядагы мигранттарды кысуу – биздин өлкөгө залалын тийгизет”

-- Эмир байке, Россиянын бир топ шаарларында мигранттарга чектөөлөр киргизиле баштады. Мындай көрүнүш өлкөбүзгө кандай таасир этет?
-- Мигранттар негизинен жумушчу күч болуп эсептелет. Жумушчу күч – бул биздин саясый экономика сабагында үйрөткөндөй, "товардын" бир түрү. Мамлекеттин өнүгүүсүнө чоң роль ойнойт. Менин оюмча, Россия-Украина окуясы башталгандан бери Россияга өзгөчө жумушчу күчү жетишпейт. Бул маселенин себебин сырткы саясаттан көрөм. Ал эми чектөөлөрдүн киргизилиши – биздин өлкөгө чоң залалын тийгизет. Жумушчу күчтүн "экспорту" төмөндөйт. Андан ары эки мамлекеттин ортосундагы ички-сырткы саясый мамилелерине залалы тийет. Айта берсе сөз көп. Кыскача, ушундай...
-- Баса, Трамп айтканын аткарып, Украинадагы согушту токтото алабы?
-- Аны бир Кудай чечет. Бирок чыр-чатакты токтотконго Трамптын күчү жетсе керек.
"Азия Ньюс" гезити