Гармонияда жашоонун кандай сырлары бар?

31-май, 19:30

1 704 ᠌ ᠌ ᠌ ᠌᠌ ᠌ ᠌᠌

“Гармония” деген сөздүн мааниси абдан сонун экен. Бул сөздү түшүнүп эле калбастан жашообузда колдоно билсек, бактылуу экенибизди сезбей коё албайбыз.

Гармонияда жашоо – бул:

-- жакшы адамдардын бар экенине ишенүү жана бизди сүйбөгөндөр да боло турганын эске алуу. Бул чындыкка кыйналбай моюн сунуу;

-- жүрөгүң менен эч кимге же эч нерсеге байланбоо;

-- жакшы жана жаман сөздөн көз каранды болбоо;

-- жаныңда болгусу келбеген жана сүйлөшүүнү каалабаган адамга таарынбоо. Жөн гана туура түшүнүп өз эркине коюп, коё берүү;

-- эч кимден эч нерсе күтпөө жана бизге тирүү үмүт берген Жаратканымдан күч алып жашоо;

-- ар бир майда нерсеге ыраазы болуу жана рахмат айтуу;

-- ишенбеген адамга актанбоо жана чындыкты далилдейм деп убара болбоо;

-- биз менен ою бир боло албаган адамды жек көрбөө жана алардын оюн дагы урматтай билүү;

-- таарынычты жүрөктүн тереңине киргизип тамырлатып албоо жана бат кечирүүгө үйрөнүү;

-- ар бир жакшы нерседен рахат алып жашоо;