Брокколи аялзаты үчүн өтө пайдалуу азык
Аялдын сулуулугу менен ден соолугун сактоодо туура тамактануу чоң роль ойнойт. Ошондуктан күнүмдүк рационуңузга брокколини сөзсүз кошуу керек!
Сулуулук булагы
Брокколи – чачтын жылтыроосун, тырмактын бекемдигин жана теринин жылмакайлыгын сактоого жардам берет. Андагы витаминдер организмди жашартып, энергия берет.
Аялдар үчүн коргоочу күч
Брокколи аялдарда миома, мастопатия, эндометриоз, энелик бездин кисталары сыяктуу көйгөйлөрдүн алдын алууга жана айыктырууга жардам берет. Анын курамындагы пайдалуу заттар гормоналдык тең салмактуулукту сактоого өбөлгө түзөт.
Рактын алдын алуу
Америкалык “Рак коому” брокколиде күчтүү антиоксиданттар – сульфорафан жана индол-3-карбинол бар экенин белгилейт. Бул заттар организмди зыяндуу заттардан тазалап, кычкылдануу процессин басаңдатат. Ошондой эле эстрогендин деңгээлин жөнгө салып, аялдарда рак ооруларынын пайда болуу коркунучун азайтат.
Энелер үчүн баа жеткис азык
Болочок энелер үчүн брокколи табигый витамин булагы. Анын курамында фолий кислотасы (В9) бар, бул зат түйүлдүктүн нерв түтүгүнүн туура калыптанышына жана плацентанын ден соолугуна оң таасирин тийгизет.
"Азия Ньюс" гезити
