Өч алсамбы? Күйөөм мурдагы сүйгөнүн унута албай келет
Мага психологиялык жактан кеңеш керек болуп жатат. Азыр алты айлык боюмда бар, күйөөм экөөбүздүн жашаганыбызга 1,5 жыл болду. Бул убакыттан бери үч жолу алдады. Мага чейин бир кызды жакшы көрчү экен, эмнеге экенин билбейм, ага эмес, мага үйлөндү. Бойдок кезде мени менен да, аны менен да сүйлөшчү экен. Мен аны билгенден кийин кечирим сурап, "экинчи кайталанбайт" деген, бирок ошондон бери эки жолу кайталады. Азыр сырт жакта. Ойлоно берип жинди болуп кеттим. Ал кызды дагы деле жакшы көрөт тура, унута албай жатыптыр. Балам үчүн унчукпай жашап келе жатам. Же күйөөмдөн кетип, өзүм тирилик кылсамбы? Сыртта болгону менен акча салбайт, иштебейт. Балам төрөлгөнчө иштеп, өзүмдү-өзүм карап кетсемби? Ойлоно берип кыйналып кеттим. Өч алсамбы? Ансыз да жүрөгүм муздап калды...
Акылай
"Азия Ньюс" гезити
