Мени кайнагама алып бергени жатышат. Кандай кылам?
Күйөөмдөн айрылып, жаштайымдан эле жесир калдым. Мени кайнагама алып бергени жатышат. Кыжалатмын. Кайын журтума айткам, “балдарды алып калгыла. Мен күйөөгө чыкпайм, иштейм. Ишим жүрүшкөндө балдарымды өзүм багам” деп. Жетип-жетпеген, муздак, супсак турмуш тажатты. 28 жашымда эки баламды таштап, калааны көздөй жол тарттым. Өз бактым, тагдырым үчүн күрөшүүгө акым бар да. Айылда эле күндөгү жумуштарды кылып коюп жүрө берген экенмин. Балдарым менен күндө сүйлөшүп турам. Буюрса биринчи айлыгымды алып эле үйгө, балдарыма салууну ойлоп атам. Анан жайында балдарымды, кайненемди шаарга алдырып, көлгө алпарып келсем, бир тилегим аткарылат эле. Жакшы адамдар көп экенине ишендим. Иш табылып, билимимди жогорулатканга да өздөрү акча төлөп беришти. Азырынча турмушка чыга турган оюм жок.
