Үйлөнүүдөн баш тарткан жигитим “апаңа мени өлдү деп айт” дейт
Учурда Москвадамын. Бир баланы жактырып, сүйлөшүп калдым. Ата-энеси үйгө барып, Кыргызстанда бизди кудалап коюшту. Той келерки күздө деп чечилди. Бирок ал “бул жакта үйлөнөбүз” деп туруп алды. “Макул, бирок ата-энебиз ыраазы болсун. Алар ыраазы болмоюн нике окутууга каршымын” дедим. Ушул сөзүмдүн айынан баары токтоп жатат. “Мени сүйбөйт экенсиң. Эгер мен десең макул болмоксуң” дейт. Эми баарын токтотуп жатат. Үйлөнүүдөн баш тарткан жигитим “апаңа мени өлдү деп айт” деп мажбурлап жатат. Мен эмне кыларымды билбей калдым. Урук-туугандын баары билет. Апамды араң ыйлап атып көндүргөнбүз. Эми апама кантип айтам? Чынын айтсам, намыстанганымдан өлүп алгым келип атат. Эл-журт мени ким деп ойлойт эми? Турмуш оюнчук эмес го... Жашоом талкалангандай күйүп кетип атам. Мага кеңеш берип коюңуздарчы?
Саадат
