Эркектин көзгө чөп салганына чыдоо керекпи же ажырашсамбы?
Турмушка чыкканыма бир жыл болду, кызыбыз бар. Жолдошумдун кылганын кечира албай, жинди болуп отурам. Мен кош бойлуу кезде, жаңыдан көз жарган учурларда башка кыздарга барып жүргөнүн билип, үй-бүлөбүздө чатак чыкты. Аябай кечирим сурап, “экинчи кайталанбайт” деп жалооруду. Жаңы эле эне болуп, жашоого башкача карап турганда, “мейли” деп кечирдим.
Бирок, жыл айланбай кайра эле баягы адаты менен кармалды. Кечкисин “досторго жолугам” деп коюп кыздарга барып, мамилелери тереңдеп жүргөнүн билдим. Эми көзүмдүн жашы он талаа. Эмне кылам? Кандай кылам? Бизде мындан ары кандай жашоо болот? Албетте, ишенген, таянган адамың башкаларга барып, аларга жалынып жүргөнү оор тийет экен. Кечирүү оор. Аялзатынын жандүйнөсүн да түшүнгүлө. Кеңеш бергилечи? Мындан аркы жашоомду кантип улантам?
Гүлзина
Aryba.kg