Айдай Турсунбекова: “Апа, ооба, сиз бул күндү атамсыз өткөрөсүз”
Саясатчы Чыныбай Турсунбековдун кызы Айдай апасын куттуктап, атасын жоктоп эскерди.
“Бүгүн апамдын туулган күнү. Бул күн атамсыз өткөнү жатат. Апама өтө оор экенин түшүнүп турам: жылдагыдай таң эрте апамдын сүйүктүү гүлдөрүнөн жасалган гулдесте жок, атамдын өз колунан атайын даярдалган эртең мененки тамагы жок, кечкисин үй-бүлөбүз менен чогуу ресторанда апамды куттуктап, өзгөчө берген белеги жок...
Ушунун баарын биз жасасак да баары бир окшошпойт окшойт, себеби жанында бир бүтүндүктү түзгөн, сөзү жок бири-бирин түшүнүшкөн сүйүктүү жары жок. Атам менен апам бири-бирин толуктап турушчу.
Апа, ооба, сиз бул күндү атамсыз өткөрөсүз, бирок биз, сиздин балдарыңыз, жаныңыздабыз. Атам болсо ар дайым биз менен, биздин жүрөгүбүздө, өзүнүн эстелик катары калтырган ыр саптарында түбөлүккө жашайт!”
Aryba.kg
