Күйөөм эркелетпейт. Мурдагы көңүлдөшүмө кат жаздым...
Урматтуу окурмандар! Жашоого бир келгенден кийин ойдогудай өмүр сүрүп, рахаттанууга батыш керек да. Турмушка сүйүү-күйүү менен эле чыгып, кийин ортобуз муздап кеткенине түшүнбөй калгам. Күйөөмдүн кыялы орой, өз “ишин” бүтүрүп алып, ары оонап жатып алат. Ар дайым ушундай көрүнүш...
Жаңы үйлөнгөндөн кийин “жашоо ушундай тура” деп жүрө бериптирмин. Кээде колу да тийчү. Далай супсак күндөр өттү... Бир сырым бар: он жыл мурда Акбар аттуу жигит менен жашыруун мамиле кылып калгам. Ал эркелетип, төшөк кумарына да жакшы батырчу. Бир жылдай жүрдүк, анан үйлөнүп кеткен. Андан бери он чакты көңүлдөш күттүм. Баары эле бир жатып алгандан кийин басып кетишет. А мен эркелегим келет, эркектерден жылуулук күтөм. Деги жүрөк эргүүсүн түшүнгөндөр аз экен...
Жакында эле мурдагы көңүлдөшүм Акбар менен Фейсбук аркылуу сүйлөшүп калдым. Бук болуп жүргөнүмдү жаздым. Буюрса жолугушмай болдук. Күйөөң эритпесе, жагымдуу болбосо башкалардан жылуулук издейт экенсиң. Кечирип койгула...
Н... журналист
Aryba.kg
