Жолдошумдун көңүлдөшүнүн күйөөсү бар болуп чыкты. Тааныштым...
Төрөп, үйдө отуруп калдым. Үйдө отурганда өзүбүздү карай бербейбиз го. Ошол убакта күйөөм көңүлдөш тапканга жетишиптир. Акыркы убакта таптакыр эле башы тегеренип калды.
Көңүлдөшү тууралуу сураштырсам, күйөөсү бар болуп чыкты. Жолдошунун номерин таптым. Жолугуп, болгон окуяны айтып бердим. Аялы менин күйөөмдөн үч жаш улуу экенин уктум. Тааныштык, сүйлөшүп отурдук. Абдан орду менен сүйлөгөн, жакшынакай адам экен. Чындыгында, менин күйөөмө караганда кыйла жарашыктуу. Жеңил ойлуу ал аялзатынан жийиркендим. Анын күйөөсү экөөбүз жетелешип, экөөнө көрүнүүнү чечтик. Бирок ыңгайын таба албай келебиз.
Бирок менин жүрөгүм муздап калды. Баарын ачык айтып, азыртадан ажырашып кетүүнү туура көрүп жүрөм. Жашоо ушундай татаал тура. Жеңил ойлуу болбогулачы, замандаштар? Колдо бар алтынды баалай билгиле!
Айбийке
"Азия Ньюс" гезити