Жетпесем деле кайылмын, жайдак калган да жакшы...
(Журналист Салабат Эркетаевага!)
Жашооңдун сейрек учурунда көптүн арасынан кимдир бирөөлөр көзгө учурайт. Аларды сен этибар албай, же турмуштук шартка байланыштуу маани бербей кете беришиң мүмкүн. Бирок, бул жаңылыштык экен. Ооба, Салабат сулуу боюнча менин маалыматым жок. Анын кубулжуган так доошу, сергек жүзү гана азгырды. Жигит болгон соң анын каалоосуна, эркине, жашоо шартына биринчи көңүл бөлүү маанилүү. Балким, бул менин достук катым катары жарыяланат. Мен эмнени бааладым? Биринчиден, адамдык аурасын, экинчиден, кесипкөйлүгүн. Бүттү. Ал эми башка сезимдер, каалоо-тилектер кези келсе айтылаттыр. Эгер куржалак калсам да капа болбойм. Себеби, мен бир адамдын дүйнөдөгү сыйын, барктоосун ушул сүйлөмдөр аркылуу жүрөгүнө жеткизүүгө жандалбас кылдым. Жетпесе деле айла жок... Жайдак калган да жакшы...
А... (кесиптешиң)
"Азия Ньюс" гезити
