Мен ушундай жаралганыма өкүнүп, азырынча бактысыз калуудамын
Өмүрүмдө биринчи жолу өз жашоом тууралуу жазууга батындым, анткени акыркы каталарым менен мурунку жылдардагы окуяларды ичимде сактоо өтө оор болуп калды. Өзүмдү аябай күнөөлүү сезип жатам, жашоо кыйын, баары маанисиз сезилүүдө. Көп туура эмес иштерди жасап келем, бул үчүн аябай уялам. Өмүрүмдөгү айрым окуялар үчүн өзүмдү аябай жемелейм, алардын акыркысы кечээ эле болуп өттү.
Баарына өзүм күнөөлүүмүн. Мен үч жолу бирдей ката кетирдим: чыдай берип, акыры баарын таштап кеттим, милдеттенмелеримди буздум. Кечээ эле иштен бир заматта чыгып, муну алдын ала пландаган эмесмин, бирок кеттим. Ага чейин жетекчилик менен чырлар болгон, көңүл чөгөргөн каталарды кетирип, жемеге кабылып жаттым. Бирок эч ким менин ашыкча иштеген убактымды көргөн жок, келишим түзүү иштерине убадаланган пайыздардын төлөнбөгөнүн да байкашпады. Акыркы чек – ката үчүн салынган айып пул эле. Аны кайра карап чыгышканда, менин катам жок экенин аныкташты. Эртеси жумушка барган жокмун, ооруп калдым. Мени чыкпай койгонум үчүн айыпташты. Балким, бул чындап эле туура эмес болгон, бирок чыдамым түгөндү.
Жеке жашоомдо да дал ушундай чыдамсызмын, сабырсызмын. Ошон үчүн мен бул күндөрү бактысызмын...
Айтурган
"Азия Ньюс" гезити
