Төрөбай Зулпукаров байлар салыкты көбүрөөк төлөөнү сунуштады
Жогорку Кеңештин Бюджет жана финансы комитетинин жыйынында депутат Төрөбай Зулпукаров салыктын төлөнүшүн элдин социалдык абалына карата төлөөну сунуштады.
Төрөбай Зулпукаров салык төлөөдө карапайым элге тиешеси жок болушу керектигин айтты:
“Ашкере байлыкка салык деген бар. Ошону сиздер күчөтүңүздөр. Мүмүкүнчүлүгү бар чиновник жана бизнесмен көбүрөөк салык төлөшү керек. Бирок жалпы элге жайылтылбагандай болушу абзел. Муну эске алыңыздар”, - деди эл өкүлү.
Зулпукаров андан кийин күйүүчү майды чек арадан ташып өтүүдө бюджетке миллиард сомдон ашык каражат түшпөй калганын да баса белгиледи.
Бүгүн Жогорку Кеңештин Бюджет жана финансы боюнча комитетинин жыйынында “Кыргыз Республикасынын 2020-жылга республикалык бюджети жана 2021-2022-жылдарга болжолу жөнүндө” мыйзам долбоорунун концепциясы каралып, бир топ маселелер талкууга алынды.
