Азыркы кымбатчылыкты жана башаламан бааны ким көзөмөлдөйт?

02-октябрь, 18:15

89 ᠌ ᠌ ᠌ ᠌᠌ ᠌ ᠌᠌

     Журналист жана блогер Семетей Аманбеков картошканын дүң жана чекене баасынын ортосундагы чоң айырмага көңүл бурду.

     Анын айтымында, дыйкандар картошканы килограммын болжол менен 15 сомдон өткөрүп жатышат. Ал эми Бишкектеги «Ак-Эмир» базарында ошол эле картошканын баасы 80 сомго чейин жетүүдө.

     Мындан тышкары, кыргызстандыктар башка жашылча-жемиштердин да кымбаттап кеткенине нааразы болуп жатышат. Мисалы, базарларда алманын килограммы 150 сомго, помидор 180 сомго чейин сатылып жатканы айтылууда. Мындай баалар күз мезгилине туш келип жатканы да көңүл бурууга арзыйт. Адатта бул учурда жергиликтүү жашылча-жемиштердин түшүмү базарга көбүрөөк чыгып, айрым азыктардын баасы төмөндөшү күтүлчү эле...