Улукман Мамытов, экономист: “Учурда дүйнө жүзүндө аябай чоң инфляция болууда”

19-январь, 13:21

1 216 ᠌ ᠌ ᠌ ᠌᠌ ᠌ ᠌᠌

-- Жакынкы күндөрдө кымбатчылык кооптуулугу жокпу? Болсо себеби эмнеде?

-- Кымбатчылык болот го деген ойдомун. Эң кеминде анын эки себеби бар. Биринчиси – Кыргызстандын ичинен валюта, долларлар сыртка чыгып кетип жатат. Ошондуктан бул инфляцияга аябай басым берүүдө. Андыктан инфляция болот. Экинчиси – учурда дүйнөдө абдан чоң инфляция болууда. Себеби, Батыш өлкөлөрү пандемия учурунда абдан көп акча басып чыгарып коюшкан. Азыр ошол акчанын көлөмү көп болгондуктан, тамак-аш, азык-түлүк, энергетика жаатында кризис болуп, ошолордун терс таасири тийип жатат. Ошондуктан дүйнө жүзүндө инфляция жүрүүдө. Кымбатчылыкка эң кеминде ушул эки себепти баса белгилеп айтсак болот.