Аззамбек Жээнбай уулу: “Бизде онлайн платформалары өтө тез темпте жылып жатат”
ЖИА ишкерлер ассоциациясынын аткаруучу директору менен маек.
-- Россия–Украина согушунун кыргыз экономикасына тийгизген таасири кандай болду? Жаңы мүмкүнчүлүктөр жаралдыбы?
-- Россия менен Украинанын ортосундагы согуш чынында биздин чөлкөмгө өзгөчө таасир этти. Анткени Кыргызстандын экономикасы түздөн-түз Россияга көз каранды. Кыргызстанга көп жүктөр Россия аркылуу келчү. Азыр эми ошол чынжырча үзүлүп, жаңы жолдорду издеп атабыз. Мисалы, ошол эле Кытай–Кыргызстан–Өзбекстан темир жолу, андан тышкары, товарды тез алып келүүнүн альтернативдүү жолдору каралып атат. Ошол эле учурда жаңы рынокторду дагы карап аткан ишкерлер көп. Мурда биздин ишкерлер Кыргызстандан товар чыгарып, ошону экспорттоого басым жасап келген болсо, азыр жаңы тенденция пайда болду. Бул – онлайн платформалардын алкагында Кыргызстанда туруп Кытайдан товар алып, Америкага, Европанын рынокторуна саткан тенденция өтө тез темпте жылып атат. Бул багытта иш алып барган ишкерлер дагы көп.
"Азия Ньюс" гезити
