Кыргызстан башка өлкөлөрдөн керектүү товарларды импорттоого аргасыз
Кытай менен чектешкен чек ара убактылуу жабылып, жүк ташып өтүүгө мүмкүнчүлүк жок боло баштады. Ушундан улам Кытай тараптан ташылып келген айрым товарлардын баасы жогорулаганы байкалууда. Соодагерлер кампаларында эки айга жетиштүү товар бар экенин айтышат. Эгерде ал аралыкта кыргыз-кытай чек арасы ачылбаса, анда товарлардын баасы жогорулашы мүмкүн. Бул жагдайдын алдын алуу максатында экономика министрлиги башка өлкөлөрдөн керектүү товарларды импорттоо багытында сүйлөшүүлөрдү жүргүзүүдө.
Кыргыз-Кытай чек арасы убактылуу жабылгандыктан, учурда товар алмашуу токтоп турат. Азырынча чек ара качан ачылары белгисиз. Бул тууралуу мамлекеттик чек ара кызматынын чек ара көзөмөл башкы башкармалыгынын жетекчиси Нурланбек Жалбиев маалымдап чыкты.
"Азия Ньюс" гезити