Прогноз погоды в городе Бишкек
Акыркы кабарлар
» » Аалы Карашев, ЖК депутаты: “Өкмөттүк курам улам жаңыланса да, өнүгүү болуп жатат го”

Аалы Карашев, ЖК депутаты: “Өкмөттүк курам улам жаңыланса да, өнүгүү болуп жатат го”

06-февраль, 02:28
122 ᠌ ᠌ ᠌ ᠌᠌ ᠌ ᠌᠌

-- Аалы мырза, өкмөттөгү кадр алмашуулардан эмне өзгөрөт?

-- “Өкмөттүн күч органдарын тейлеген вице-премьер-министр ЕАЭБди кантип тейлейт, ал экономика тармагы боюнча иштейби же чек ара мененби, же дагы укук коргоо органдары менен иштейби, ушунун айынан көп позицияларыбызды алдырып коюп атабыз” деп мен буга чейин эле маселе койгом. Жемишин берди. Өкмөт башчы Абылгазиев “өкмөттөгү экономика тармагын тейлеген вице-премьер- министр эми ЕАЭБ боюнча жумуш алып барат” деп өзү жарыя кылды. Бул туура чечим болду. Мындан ары менимче, максаттуу, бир багыттуу иш жүрөт. ЕАЭБдин көп мүмкүнчүлуктөрүн пайдалана албай жатканбыз. 

Ал эми талапкердин өзү боюнча жакшы пикирдемин. Эркин Асрандиев менен өкмөттүн аппаратында, президенттин аппаратында чогуу иштеп калдык. Акыркы учурда “Айылбанкты”, Орус-Кыргыз өнүктүрүү фондун жетектеп иштеди. Бир топ тажрыйба топтогон жигит. Ошол фонддо иштеп жатып, ЕАЭБдин курамындагы мамлекеттер менен иштеп, тажрыйба алып калды. Ошол мүмкүнчүлүктү, тажрыйбаны пайдаланып, жакшы иш алып барарына ишенем.

Өзгөчө кырдаалдар министрилиги дагы эң керектүү мекеме. Кыргызстандын жаратылыш шарты оор, табигый кырсыктар көп болот. Бюджеттен 2 млрд. 350 миң сом каралды. Ушуну туура пайдаланып, Замир Аскаров жакшы иштеп береринен шегим жок. 

-- “Өкмөттүн дээрлик 70 пайыздан ашыгы жаңыланып отуруп, иш такыр жок, отставкага кетсин бул өкмөт” деп талап кылгандар арбыды...

-- Өкмөттүн иштеп атканына эки жыл болуп калды. Эки жыл ичинде 70 пайыз курам алмашты. Ошондон улам сындар көп. Бирок, өнүгүү деле жок эмес го. Ишти тарта албаган жетекчилерди кетирип, иштей алганын алып келгени деле туура да. “70 пайызы кетип, жаңыланды, өкмөт кетсин” дегенге кошула албайм. Себеби, ар бир жетекчинин ишине жараша баа берилиши керек. Жылдын жыйынтыгы менен милдеттерин аткардыбы, аткарбаса кетсин. 

-- Өкмөт “чет өлкөнүн жарандыгын алган кыргызстандыктардын жарандыгы автоматтык түрдө токтосун” деген сунуш киргизип жатат. Буга мигранттар нааразы. Сиздин оюңуз кандай?

-- Азыр деле бизде кош жарандуулукка мыйзам жол бербейт. Баары мыйзам чегинде болуш керек. Экинчи жагынан, өкмөттүн ал мыйзам долбоору бизге келе элек. Келсин, карайлы. Бирок, 800 миңден ашуун жараныбыз сыртта мигрант болуп жүрөт. Алардын баарын жарандыгынан ажыратып салсак, кандай болот? Бул өтө маанилүү, орчундуу маселе. Баардык жагынан терең талдап, анан чечим кабыл алышыбыз абзел. 


Динар ТУРДУГУЛОВА

Бөлүшүү:



Тектеш материалдар:
Эң көп окулгандар
“Кремлде” делген Самаранын концерти айылдагы клубдун деңгээлинде өттүбү?
(Видео) Муфтий Максат ажыдан мындай соккуну эч ким күткөн эмес...
Индиядан боор оорусунан чырактай бала көз жумду. Сөөгүн алып келүүгө кол суналы?
Элибиздин Аскар Акаевге сый-урматы жогору экенине дагы бир ирет ынандык
Анжеликага казак  миллионери 501 роза белек берип, колун сурады
Мирбек Атабеков эртеңки митингге катышуудан баш тартты. Себеби бар...
Анжелика кара хиджаб кийип, мечитке барып ойсекеленди...
Aryba.kg - Маалымат порталы
Сайтка баа бер