Жеңиш Молдокматовду кайсы тышкы күчтөр тукурууда?
Соңку убакта активист Жеңиш Молдокматов бийликке каршы оппозиционер болуп, курч сүйлөй баштады. Буга чейин деле сындап келген. Бирок акыркы айларда күчөп кеткени жашыруун эмес. “Ханституцияга каршы” аталышында топ түзүп, президент Садыр Жапаровду тикелей сындаганы үчүн сыймыктанып жүрөт. Биз баам салып көрсөк, Жеңишти артынан карт саясатчылар, тышкы күчтөр шыкактап, дем берип атышыптыр. Садыр Жапаровдун аброюн түшүрүү боюнча атайын пландуу багыт алып алгандай. А түпкүрү кандай болорун элестетип атасыңарбы? Жаңы Конституцияны “сындыруу” максатында элдин маанайын буруу, 11-апрелдеги референдумда кабыл алдырбоо саясаты экен. Андан ары күздөгү парламенттик шайлоого карай бийликтин рейтингин түшүрүү, оппозициялык көпчүлүк менен Жогорку Кеңешке келүү жагы каралып атыптыр. Мына ушул жагынан Жеңиш Молдокматов эл астында упай алууга жан үрөп, о.э. кожоюндарынын моокумун кандырууга кадам салгандай...
"Азия Ньюс" гезити
