Акыркы кабарлар
» Саясат » Мирлан Бакиров: “АКШ элчиси Кыргызстандын ички ишине кийлигишип жатат”
Мирлан Бакиров: “АКШ элчиси Кыргызстандын ички ишине кийлигишип жатат”
10-декабрь, 15:28
Жогорку Кеңештин вице-спикери Мирлан Бакиров “АКШнын Кыргызстандагы элчиси Дональд Лу мамлекеттин ички ишине кийлигишип жатат” деген пикирин 10-декабрда парламенттин отурумунда билдирди. Бакиров элчи өзүнүн ыйгарым укуктарынан аша чаап, Кыргызстандын жаранын, партияны сыйлабастыгын көрсөттү деп эсептейт.
"Партиянын атын атап, кайдан-жайдан пайда боло калды" деп жатат. "Мекеним Кыргызстан" партиясы 2015-жылы түзүлүп, Бишкек, Ош шаарларындагы жергиликтүү шайлоолордо ийгиликке жетишкен".
Депутат мындан тышкары АКШ элчисинин коррупциялык жол менен өлкөдөн чыгарылып кеткен 700 млн. доллар тууралуу айтканы боюнча, учурунда депутаттык комиссия иштегенин белгиледи.
"Азия Ньюс" гезити
