“Кычкыл суудан” согуп алып, караоке клубда чер жазган кандай жакшы?
Бишкек ШИИБ начальнигинен Азамат Ногойбаев иштей албай кетип, ГУУРдун түштүк аймагы боюнча орун басары болуп дайындалган. Жарым жылдан ашык убакыт өтсө да, эмне менен алектенип атканы коомчулукка белгисиз. “Шымы жаман жеринен айрылгандай” эле, бизге дайыма тескери кабардын коңгуроосу кагылат эмеспи. Азамат Ногойбаев табиятынан көңүл ачууга, шапар тебүүгө жакын адам окшобойбу? Бошой калса эле караоке клубга барып, чер жазууга ашыкканы эмнеси? “Кычкыл суудан” жымыңдата согуп алып, обон созсо, куп гана жарашып каларын айтышканычы? Жан багып, жеке жыргалчылыгы үчүн жүрө берип, ГУУРдун иши артка кетип атса да баары бирби? Негизи бул “борсолойго” кандай суроолор жолдонсо да, “доңуз копсун” дегенчелик ишараты бар. Ар дайым ички дүйнөсү майрамга байланса, анысын өздүк курамы да жакшы билип калганын кантесиңер?..
"Азия Ньюс" гезити
