Оштогу сойкуканаларды кимдер көзөмөлдөйт?
Оштогу “кызыл шапкечендер” арасындагы өздүк булагыбыз билдиргендей, бул багыттагы атмосфера жакшы эмес. Кедеринен кетип, көп кыңыр иштер көмүскөдөн чечилип аткандай. Таасирдүү орган кызматкерлери аралашса эле мыйзам тебеленип, жеке кызыкчылыктар ойноп, акча үчүн көз жумду көрүнүштөр орун алабы? Эмесе, суроону дагы улайлы.
Ош ШИИБнин кылмыш иликтөө бөлүмүнүн башчысы Чыңгыз Айтимбетов шаардагы 12 сойкукананы көзөмөлдөп, айына 100 миң сомдун тегерегинде ар биринен алып турабы? Куржуну толгондо Ош ШИИБ начальниги Марлис Асанов менен бөлүшөбү? Системалуу түрдө иштеп атышабы? Бул соболдорго жооп узата алышабы?..
Эске салсак, Ош ШИИБнин төрт опер кызматкери оор кылмышты жабуу таризинде пара сурашып, УКМК тарабынан кылтакка илинишкен. Болгондо да кыз зордуктаган эргулдардын ишин жашырууга жандалбасташып, акчанын күчү менен ыпластыкка барышып, баарын будамайлашмак тура. Кудай жалгап, кармалып тынышты.
Бу саам сойкуканаларды “крышевать” этип жатышса, УКМК көңүл бурабы?..
"Азия Ньюс" гезити
