“10 пайыз төлө” дегенге көпчүлүк нааразы
Өкмөт салык салуунун миң кырлуу амалдарын ойлоп таап, мыйзамдаштырып, элдин жонунан “кайыш тилүүнү” улантып жатканын кандайча түшүнөбүз? Ишкерлерге карата да бир топ осолдуктар, тоскоолдуктар, кысымдар жасалып атканы айтылып, бир канча нааразычылык акциялар дагы өтүп келди. Эми кара, үйүңдү же машинаңды сатсаң, кирешеңдин 10 пайызы салык катары төлөнөрү талкууга алынып, коомчулуктун кыжырын келтирүүдө. Министрлер кабинетинин төрагасы Акылбек Жапаров кичине арыдан бери болуп, каржалган карапайым калктын убалын ойлоп койбойбу? Каржы, салык саясатын каалагандай калчап, “сыгып алууну” күчөтүп, бийликти болушунча жаман көрсөтүүгө баратканы кандай? Билермандар акыл калчаш керек. Эл ансыз деле кыйналып жашап атканда, Акылбек Жапаров ансайын шаштырып, бир балээнин үстүнөн чыкканы калдыбы? “Кирешеден 10 пайыз алам” дегенди токтотуу керек го? Бул көпчүлүктүн үнү...
"Азия Ньюс" гезити
