Президенттин пиар кампаниясы жаңы баскычка көтөрүлүүгө тийиш
Соңку убакта Батыштын долбоорлору менен иштеген журналисттер бийликчил ЖМКларга үстөмдүк жасашып, УТРКны баш кыла уят кылып салышты. Президенттин маалымат саясатына да сөз тийүүдө. Фейк-фабрикалар боюнча талкуу күчөп, эл ичинде тескери сөздөр орун алууда. Бул көрүнүшкө кылдат баа берүү керек. Президенттин администрациясы пиар кампаниясын жаңы баскычка көтөрүүгө, идеялардын жарышы менен өзгөрүүгө багыт албаса, акыбал начарлай берери шексиз. Барган сайын убакыт бийликке каршы иштей турганы мыйзам ченемдүүлүк экенин эске салсак, мезгилдин агымына жараша жогорку деңгээлдеги маалымат саясатын жүргүзүү, кошумча ЖМКларды тартуу, арканды алыс ыргытуу вазыйпасы каралышы парз. А болбосо утулуу, чегине берүү жакшылыкка алып барбаса керек.
"Азия Ньюс" гезити
