Канатбек Исаевди тагдыр улуу жүрүшкө даярдап аткандыр...
2017-жылы күзүндө Канатбек Исаевге саясый негизде кылмыш иши козголуп, камакка алынган. Бийликти басып алууга, төңкөрүш жасоого айыпталып. Аныгында, бул суу кечпей калган. Агезде президенттик шайлоонун алды болуп, Канатбек Исаев бийликтин талапкерине каршы иштеп, Өмүрбек Бабановду колдогону үчүн камалган. Он айга жакын отуруп чыкканы маалым. Кызыгы, котур ташы койнунда катылган Сооронбай Жээнбеков ал кылмыш ишти жаптырбай коюптур. Мына ошол жалаанын негизинде каарманыбыз кайрадан камакка алынып отурат. Албетте, бул сыноо! Тагдыр балким Канатбек Исаевди улуу жүрүшкө даярдап, бышырып, дагы да такшалтып аткандыр. Бул күндөр дагы өтөт. Эң башкысы, белди бекем бууп, тобокелдикти бек кармануу керек. Убакыт баарын таразалайт. Эркиндикке чыгып, актала турган күндөр да алыс эместир.
"Азия Ньюс" гезити
