2 миллион доллар Эркин Тентишевдин мойнуна илингенде, түнү менен уктабай, эртеси качканбы?
“Дөө Чыңгыз” өлгөндөн кийин экс-губернатор Эркин Тентишев карайлап калат. Жаңы “крыша” тапканга далбастап, аракет жасаса, ал жактан да жарытылуу сөз укпаганы айтылды. Тескерисинче, 2 миллион доллар Эркин Тентишевдин мойнуна илингенде, түнү менен уктабай, эртеси Түркияга учуп кетип, ошо боюнча жоголдубу? Көп кызыктар алдыда...
Баса, “Азия Ньюс” гезити өткөн жумада жазгандай, саясатчы Ахматбек Келдибековдун жубайы Аида Токтоматовага медициналык окуу жайдын 29 пайызы катталса, Эркин Тентишев көз будамайлоо менен өзүнө өткөрүп алыптыр. Бул боюнча да кылмыш иши козголгон. Убагында Ахматбек Келдибеков береги окуу жайдын түптөлүшүнө, өнүгүшүнө салым кошуп, каржылык жактан колдоп келет. Качан гана “жемиштин ширеси төгүлө” баштаганда, табиятынан зыкым, жеке басар Эркин Тентишев кечээги жакшылыктарды унутуп, адамгерчиликтен тайып, алдамчылык менен шугулданганы ушул тура. Келишимдердин баарын бузуу менен кечээги досун, бизнес өнөктөшүн сатып, дүнүйөгө көзү тойбой, акыры кылган былыктары үчүн талаалап, безип жүрөт. Ушул да жашообу?
"Азия Ньюс" гезити
