Ахматбек Келдибековду каралай бербей, анын тажрыйбасын өлкөбүз үчүн пайдаланалы
Убагында Ахматбек Келдибеков Оштон 26 сотых жер сатып алып, аны кайра бирөөгө пулдаптыр. Бул жерде эч кандай мыйзам бузуу жок. Бирок Ош шаардык кеңешинин депутаты Бекболот Арзибаев чымындай нерсени төөгө айланткандай эле шөкөттөп, көбүртүп-жабыртып, президентке даттанганы акылга сыябы? Акыры чындык чыгат да, Ахматбек Келдибековдун эч кандай күнөөсү жок экени тастыкталды.
Натыйжада, экс-спикерди жөн салды эле каралай бербей, ага урмат кылып, тажрыйбасын алсак жарашпайбы? Кыйын финансист, дасыккан экономист, аткаруу кызматында ишбилги жетекчи, образдуу айтканда, караңгыдан көз тапкандай жарык чача билери талашсыз. Учурда кадр саясаты аксап турганда, Ахматбек Келдибековду жогорку кызматка дайындаса, өлкөбүзгө пайдасы тийип, өсүп-өнүгүүгө салым кошмок. Ага азыр байлык кызык эмес, мамлекеттик ишмер катары өзүнүн атын жогорку деңгээлде көрсөтүп, тарыхта калуу маанилүү. Андыктан, Ахматбек мырзага ишеним артууга мезгил келди. Ал эртеби-кечпи элибизге кызмат кылары шексиз. Болгону убакыттын ыңгайы чыкпай атат...
