Сокенин макамы алынса, биротоло чет өлкөгө качып кетпейби?
Президенттик мөөнөтүн аягына чейин өтөй албаган Сооронбай Жээнбековдун артынан бир топ кылмыш иштери келечекте козголору алдыртан болжонууда. Коррупция, рейдерлик басып алуу, пандемия убагындагы шалаакылык (элдин кырылганы), Кой-Таш коогалаңы, Октябрь төңкөрүшү ж.б. жоготуулар боюнча жазага тартылабы? Коомчулукта Сокенин өзгөчө макамы алынышы керектиги ар дайым талкууланып, көпчүлүктүн кыжырдануусун кайнатып келатат. Депутат Жеңиш Токторбаев дал ушул маселенин үстүнөн иштеп, мыйзам долбоору аркылуу экс-президенттерге карата жасалган артыкчылыктарды жоюу таризинде аракетин көрүүдө. Ал бир курдай Жогорку Кеңештен Сооронбай Жээнбеков Кара-Кулжага барып, кой кайтаруусун сунуштаган, резиденцияда жатканга акысы жок экенин баса белгилеп. Сыягы, күрдөөлдүү күз менен бул жааттан жаңылыктар козуйт окшойт. Соке биротоло чет өлкөгө качып кетпейби?
"Азия Ньюс" гезити
