Бийлик Бакиевдерди актоого шарт түзүп берсе, анда эртеңки күндүн тынчтыгын элестете албайбыз...
Кандуу режимдин анабашчысы Курманбек Бакиев онлайн сотко катышууну айтып, акталууга далалат кылганы коомчулуктун кыжырын кайнатууда. Мамлекетти артка тарткан, көп сандаган жоболоңдуу жосундарын санабасак да, 2005-2010-жылдардагы буюртма адам өлтүрүүлөрдүн саны 60ка жеткени, алардын ичинде саясатчылар, депутаттар, бизнесмендер, спортсмендер, каскадёрлор ж.б. карапайым адамдарыбыз да болгон. Кылмыш дүйнөсү бийлик менен биригип алып, кыйноо, өлтүрүүлөрдү күчөткөн да. Ал эми 7-апрель төңкөрүшүндө бейкүнөө 87 жараныбыз атылып кеткен. Мына, Курманбек Бакиевге жана үй-бүлөсүнө карата башка оор кылмыштарын санабасак дагы, дээрлик адам өлтүрүүлөрдү кантебиз? Эки дүйнөдө кечирилбей турган көрүнүш эмеспи. Эгерде бийлик Бакиевдерди актоого шарт түзүп берсе, анда эртеңки күндүн тынчтыгын элестете албайбыз...
"Азия Ньюс" гезити
