Акыркы кабарлар
» Саясат » Дастан Бекешов: “Банкир Асанбаевди мүмкүн асып коюшту”
Дастан Бекешов: “Банкир Асанбаевди мүмкүн асып коюшту”
22-июнь, 19:56
Дастан Бекешов Улуттук банктан айыл чарбасын насыялоо боюнча маалыматты бүгүн, 22-июнда парламенттин жыйынында сурады. Президенттин тапшырмасы менен башкы прокуратура жана УКМК тарабынан «Айылбанкы» тарабынан берилген насыялар текшерилген. Анын негизинде кылмыш иши козголуп, тергөө учурунда башкармалыктын төрагасынын экс-орун басары Бакыт Асанбаев асынып алганын эске салды.
«Насыялар кимге берилгени тууралуу маалыматты кантип алсак болот? Балким Бакыт Асанбаев белгилүү бир маалыматты билген, бирок ага катуу кысым болгон. Улуттук банк аркылуу максаттуу эмес кредиттер берилгени тууралуу маалымат алса болобу?” деп сурады Дастан Бекешов.
Улуттук банктын өкүлү Манас Жакыпов “бул маселе укук коргоо органдары менен эсеп палатасы тарабынан текшерилип жатат” деп жооп берди. «Текшерүүнүн аягында сөзсүз маалымат берилет. Биздин эксперттер зарыл болгондо гана тартылат» деди ал.
