Жусупбек Коргонбайдан чочулашып, иниси Уланбек Жаанбаевге жол берилгенде
Бизнесмен Жусупбек Коргонбайдын бир тууган иниси Уланбек Жаанбаев Ноокат округунан экинчи орунду багындырып, депутат болду. Саясатка жаңы жүз катары чыгып, коомчулукка жылуу кабылданууда. Биринчиден, Уланбек мырзанын өзүнүн идиреги бар экен, экинчиден, мандатка жетишине агасы Жусупбек Коргонбайдын салымы зор экени талашсыз. Ошого катар Төрөбай Зулпукаров да электоратын буруп бергени айтылууда. Мындай караганда, добуш сатып албай эле маарага чыкса болот экен да. Айтмакчы, эмне үчүн Жусупбек Коргонбай бул жолу шайлоого чыкпай койду? Айрым маалыматтар боюнча, “саясатты чаңдатасың” деп ага карата жогор жактан уруксат бербей коюшканбы? Мурдагы созывда каарманыбыз Жогорку Кеңешти кызытып, ээ-жаа бербей популярдуулугу өсүп кеткени эсибизде. Ошон үчүн тизгинин тартышкан го...
