Айзаданын өлүмүнө айыпталган Бакыт Матмусаев карьералык секирик жасаганда
Кайда баратабыз? Айзаданын өлүмүнө айыпталып, жумуштан айдалган Бакыт Матмусаев ИИМдеги атайын полктун командири катары дайындалыптыр. Бул эмне, шылдыңдообу? Чырактай кыздын өмүрүн сактап кала албаган, убагында кылмышкерге кармоо операциясын киргизбеген, ошол кезде Бишкек ШИИБни жетектеп отурган Матмусаев кичине уялып, пенсияга кете берсе болбойт беле? Эмнеге эле кызматка тырмышат? Жогорку жетекчилик, президенттин администрациясы дал ушундай каргашалуу окуядан кийин калыс баа беришпейби? Айтор, суроолор көп. Өкмөт шалаакы жетекчиден арылгандын ордуна карьералык секирик жасата берсе, үлгү көрсөтпөсө, аягы жакшы бүтпөй калат да. Укук коргоо органдары адилеттүүлүктү, мыйзамдуулукту айгинелеп, жол салбаса, карапайым элибиз кантет? Эх, жалган дүйнө...
"Азия Ньюс" гезити
