Украинадагы кырдаалда өзгөрүү жок, Россияга каршы санкциялар күчөөдө

15-март, 18:14

557 ᠌ ᠌ ᠌ ᠌᠌ ᠌ ᠌᠌

Би-Би-Си жана Meduza орус кызматы Украинадагы акыркы суткада болгон окуялар, ошондой эле дүйнөдө болгон маалыматтар менен бөлүшүштү.

· Украинанын шаарларын аткылоо уланууда. Киевде ракеталардын сыныктарынан он кабаттуу, он алты кабаттуу имарат күйүп, эки кабаттуу үй жабыркады. 

· Украинанын Башкы штабы фронттордо олуттуу өзгөрүүлөр жоктугун билдирди. 

· Курчоого алынган Мариуполдо шаардык кеңештин эсеби боюнча буга чейин кеминде 2357 адам каза болгон.

· Россиянын мурдагы вице-премьер-министри, азыркы ФИДЕнин жетекчиси Аркадий Дворкович согушка каршы пикирин билдирди.

· Биринчи каналдагы кечки жаңылыктар учурунда түз эфирге согушка каршы плакат көтөргөн аял чыккан. Ал каналдын кызматкери Марина Овсянникова экени аныкталып, аны кармап кетишкен.

· Евробиримдик Россияга каршы санкциялардын төртүнчү пакетин жактырды. Ал эртең жыйынтыкталат. Анда Россиянын энергетика тармагына инвестиция салууга тыюу салуу каралат.