Кадр саясатындагы катачылык, Кубанычбековдун камалышы – өкмөттүн рейтингине сокку!
Адилет Кубанычбековдун атасы Кубанычбек Бакиев башкы прокурордун орун басары болуп, 2008-жылга чейин иштеп, жаза басат. Кийин алдамчылыкка, паракорчулукка айыпталып, издөөгө алынганы белгилүү. Кармалгандан соң ишти кандай бүтүргөнү бүдөмүк. Бул жагынан көп маалыматтар жабылуу бойдон калганы кандай? Жылдар өткөндөн кийин Акылбек Жапаровдун арты менен баласы Адилет Кубанычбеков өткөн күздө бажы кызматынын төрагалыгына дайындалып, көп өтпөй коррупцияга айыпталып, УКМК тарабынан камакка алынды. Бажы системасында тажрыйбасы жок, бизнесте жүргөн кадр мамлекеттин кызыкчылыгы үчүн иштемек беле? Мына, арты эмне болду? Алгач жогорку жетекчиликке дайындоо алдында алгылыктуу анализдеп, “жети өлчөп бир кескенде” не? Жыйынтыгында, бакыйган бажы тармагына шек кетип, өкмөттүн рейтингине сокку урулду.
"Азия Ньюс" гезити
