“Ойчул ойлонгуча, тобокелчил тоо ашыптыр”. Камчыкенин эрдигине суктангандар көбөйдү
Башкы прокурор Курманкул Зулушев депутат Адахан Мадумаровду беш-алты жолу суракка чакыртып, айласы кеткени байкалууда. Ары же бери эмес, ыргылжыңдык байкалып. Эгерде бул ишти УКМК төрагасы Камчыбек Ташиев колго алганда, бир-эки сурактан кийин эле камап салмак экен. Бул боюнча кыраакы саясатчылар арасында ушундай кеп кызыды. Зулушев өзүн сактап, арканды алыс ыргытып атып, убакыттан утуруп койдубу? Ал эми Ташиев кылмышка шектелген депутаттарды мыйзамга жараша сүйрөтүп келип эле каматып салганы эсибизде. “Ойчул ойлонгуча, тобокелчил тоо ашыптыр” дегендей, Камчыкенин эрдигине суктангандар көбөйүп атыптыр. Бекеринен “жарым пааша” аталбаса керек. Баса, УКМКнын түрмөсүнөн чыгып кеткендер – соттордун чечимдери аркылуу бошогондор (!) дейт...
"Азия Ньюс" гезити
