Марат Иманкулов улуттук баалуулуктарыбызга баш оорутпайбы?
Кыргыздын улуттук тамагы бешбармак экени айныгыс чындык. Ата-бабаларыбыз миңдеген жылдар бою азыктанып келишкен. Тилекке каршы, соңку жылдары казактар алдыга озушуп, интернет булактарынан бешбармакты өздөрүнө энчилөөгө далалат жасашууда. Ар кандай видеолорду тартышып, дүйнөгө жайылтышып, жеке басарлык кылышканы түшүнүксүз. “Бешбармак кыргыз-казактын улуттук тамагы” десе да кичине ыйбаа кылгандарын түшүнөт элек. Антишпейт, “какаганга муштаган” дегендей, көшөрүп эле баратышат. Соцтармактар айдыңында үстөмдүк жасашып, улуттук тамагыбызды эгоисттик менен ээлеп алышса жараша береби? Ошол эле кезде биз бешбармакты жарнама жасоодон артта калып, кайдыгерлигибизди көрсөтүп жатканыбыз чын. Мына түпкү идеологиядан артта калып атканыбыз ушул! Бул бир гана мисал. Мамлекеттик катчы Марат Иманкулов улуттук баалуулуктарыбызга ээ болуу боюнча качан баш оорутат? Же курсагы тойсо эле болдубу? Өкүнүчтүү...
"Азия Ньюс" гезити
