“Бишкек мэри” Нариман Түлеевдин башына кара булут айланууда
Ушундай. Бишкек шаардык кеңешинин шайлоосун жокко чыгарууга себепчи болгон “Ак Бата” партиясынын лидери Нариман Түлеевдин абалы жүрөк жылытчудай эмес. Атаандаштары НДПК, “Эмгек” партиялары менен чабышып жатып, мамлекеттик түзүлүшкө, шайлоолордун адилеттүү өтүүсүнө катуу шек келтирип койду. Акчанын күчүнө салуу менен элди калчап, өзүм билемдик кылууга ашыкты эле, акыры эмне болду? Бишкек шаардык кеңешинин шайлоосу чыр менен аяктап, БШК жеңишти камсыздаган партияларды тандай алган жок. Мунун өзү мамлекетти буттан чалгандай көрүнүш го? Натыйжада, НДПКнын лидери Азиз Суракматов коррупцияга шектелип камалса, эми Аскар Салымбеков менен Нариман Түлеевге кезек келеби? Сыягы, олигархтар баш калаанын бийлигин алууга ашыгып жатышып, чекесинен “чертиле” баштаганы ушулбу? “Бишкек мэринин” тагдыры кантет? Көрө жаталы.
"Азия Ньюс" гезити
