Алтынбек Сулаймановдун таасири менен Ош шаардык кеңешинин шайлоосу жокко чыкты
Соңку убакта мамлекеттик органдардын, өзгөчө БШКнын иштөө ырааттуулугу канааттандырбай калды. Буга мисалдар арбын, кечээ Токмоктогу аламанга катышкандардын жеңиши жокко чыккан. Ал ыргак уланды...
Ош шаардык кеңешинде Камчыбек Ташиевге караштуу “Ата Журт Кыргызстан” партиясы үстөмдүк кылып, мэрди шайлоого киришмек. Тилекке каршы, арыз-даттануулар арбын жазылды. Жыйынтыгында, БШКнын орун басары Абдыжапар Бекматов шайлоону жокко чыгарууга салым кошуптур. Ушул көрүнүштөн соң, президенттик аппарат баардыгына калыс кароого аракет жасаганын баамдадык. Анчейин кийлигишкен жок окшойт. Кызыгы, Абдыжапар Бекматовду көмүскө шефи Алтынбек Сулайманов түрткүлөп, максатына жеткени каңкууланды. Себеби, Ош шаардык кеңешинде “Бир Бол” партиясы артта калган эле. Ошондо саясый жүрүштү түшүндүңөрбү? Бир эсе таза өтпөгөн шайлоону “сындырышты”...
"Азия Ньюс" гезити
