Түрмөлөрдө темирдей тартип орноп, Чыңгыз Кожошевден баары коркуп калыштыбы?
ЖАМК төрагасы Чыңгыз Кожошев түрмөлөргө тартипти катаалдатып, катуу көзөмөлгө алып атканы маалымдалып келет. Мурда кылмыш дүйнөсүнүн анабашчылары каалагандай жашап, өздөрүнүн ички мыйзамын орнотуп келишсе, азыр андай өзүм билемдикке жол берилбей, ЖАМКнын тартиби менен гана күн кечирип жатышканы айтылууда. Буга чейин моюн бербеген “авторитет”, “блатнойлорго” карата күч колдонушуп, ийге келтиришкенби? Сыягы, барган сайын түрмөлөрдө темирдей тартип орноп, Чыңгыз Кожошевден баары коркуп калыштыбы? Айтмакчы, жакында абактагы эки адамдын сөөгү чыкканы коомчулукта чоң талкууларды жаратты. Бул таризде күмөн саноолор да күч. ЖАМК жетекчилиги маалымат айдыңында утулуп калганы, чыныгы реалдуулукту ачып бербегени кандай? “Медалдын эки бети бар” дегендей, адам укуктарын унутта калтырбай, гумандуулук тарабын да байкоо зарыл го? Кыскасы, ЖАМК жабык жай болсо да, элге карата ачыктык керек да. Шек саноону күчөтпөй...
Акын Бекчороев
"Азия Ньюс" гезити
