Бажы башчысы Алмаз Салиев коррупция үчүн эскертүү алдыбы?
Кызык эле. Бажы кызматынын мурдагы төрагасы Самат Исабеков коррупцияга шектелип кетти беле, же?.. Бул таризде иштин өңүтү толук кандуу ачыкталбай калса таңгалбайбыз. Канттагы кызматкерлери УКМК тарабынан кармалышып, көмүскөдөн бугуй басышканы чечмеленбей калдыбы? Көп өтпөй Самат Исабеков ээлеген кызматынан айдалып, ордуна Алмаз Салиев дайылдалган эле. Бул кадр деле системаны оң жолго сала албайбы? Аныгында, Садыр Жапаров өткөн жума соңунда мамлекеттик бажы кызматынын төрагасы Алмаз Салиевге эскертүү берди. Мындай тартиптик жаза Ош бажысынын башчысы Тимурлан Кожоновго жана Нарын бажысынын начальниги Нурбек Алимовго да ыйгарылды. Эмне себептен президент жаңы келген жетекчиге каарын төгө баштаганы ачыкталган жок. Таза иштебей атабы? Коомчулукта баягы эле бажыдагы коррупция, миллиондорду бөлүшө албаган көрүнүштөр айтылып атат го?
"Азия Ньюс" гезити
