Алыкул Осмоновдун ысымы Панфилов районуна ыйгарылса куп жарашмак
Буга чейин халтурщик акын-жазуучулардын, партократ-коррупционер чиновниктердин аттары көчөлөргө, айылдарга чейин берилип келген. Жердешчиликке, уруулашууга сугарылгандар таасир жаратышып, татыксыздарды даңазалап келишти го? Маараке-тойлорун, эскерүү кечелерин дүңгүрөтө өткөзүшкөнүн айтпай эле коёлу. Дал ушундай жагдайдан алсак, элибизге өрнөк-сабак боло турган бир саамалыкты эске алалы. Мисалы, акындарыбыздын көч башында турган, легендарлуу залкарыбыз Алыкул Осмоновдун ысымын өзү туулган Панфилов районуна ыйгарсак, жамы кыргыз журту колдойт эле. Татыктуу инсанды баркташыбыз керек. Бийлик тарых үчүн, келечекке карай да пайдалуу иш жасаса, калың катмардын ичи жылыйт беле? А бирок, эртеби-кечпи көрөгөчтөр келишсе, Алыкулдун аты Панфилов районуна ыйгарыларынан шегибиз жок. Тек гана убакыттан уттуруп атабыз да...
"Азия Ньюс" гезити
