Жалкыбаган Жаныбек Абиров кайрадан мандат үчүн күрөшөт
Бишкек шаардык кеңешине “Жаңы күч” партиясынан Жаныбек Абиров да аттанды. Бул эргул алсыз баланы тепкилеп, кордогонун бүт Кыргызстан көргөн. Ошол окуядан кийин Жогорку Кеңештеги мандатын таштап кетүүгө аргасыз болгон эле. Бирок саясаттын, акчанын кумары тынч жаткызбайт тура. Жаныбек Абиров атасынын байлыгы менен алчыланып, ар бир шайлоого катышууну өнөр көрүп келет. Пиар кылып, “жылдызга” айланууну көксөйт окшойт. Бирок ишинин натыйжасы, артында калган жаркыраган иши кана? Жеке жыргалчылыгы үчүн баш айлантып, бакылдап, каратаман элди алдай береби? Майда-чүйдө кылган-эткенин эске албаганда, эмне эмгеги сиңип кетиптир? Тоо томкордубу? Айтор, соболдор арбын. Кызык, баягы эле жылтыраган көзү, кооз сөздөрү менен куюлуштуруп, урдуруп бараткан кербези. Мүдүрүлө турган да күнү алыс эмеспи? Таңгаласың. “Жаңы күчтү” баштап бараткан бакиевчил Камбаралы Конгантиевдин баласы Куванычбек Конгантиев болуп атса, кайсы жакшылыкты күтөсүңөр?..
"Азия Ньюс" гезити
